aPn 15:20
bPn 13:11
cPn 11:4
dPn 13:25
ePn 6:6-8
fPn 12:24
gPn 24:30-34
iPn 12:13
jJob 18:17
kJob 33:33
lPh 37:24
mPh 35:19
nPn 17:9
oPn 17:9
pTp 25:2
qPh 59:12
rPn 18:11
sPn 19:7
tTp 30:15
uPn 11:18-19
vPn 6:23
wPh 31:18
xJob 1:22
yPn 5:22-23
z2Kh 25:9
aaPn 2:14
abPh 37:4
acPh 20:8
adPn 13:17
aeTp 11:9
afJob 15:32
agEst 7:10
ahPn 21:15
aiPh 52:4
ajPh 59:7

Proverbs 10

Solomon’ Paunakte

1Solomon’ paunakte:

Tapa pil in a pa lungnuamsak a, a
tapa hai in ahileh a nu dahsak hi.
 2 Amaan lo-a ngah goute in man nei lo a, b
thumaanna in ahileh sihna panin hukhia hi. c
 3 TOPA in a thumaante gilkialsak lo a,
migilote deihluatna a khaktansak hi. d
 4 A thadah khut in, mi zawngsak a, e
a thanuam khut in ahileh hauhna a tun hi. f
 5 Nipi lai-a an khawmpa tapa pil hi-a,
anlak huna lumpa ahileh a zahlak tapa ahi hi. g
 6 A thumaante in thupha khu uh a,
migilote ▼
▼10.6 Ahikeh migilote kam in ahileh ngongtatna a im hi.tg.11 ah zong.
 kam in ngongtatna bekbek a gen hi. i
 7 A thumaante phawkna thupha hi dinga,
migilote min ahileh a muat ding hi. j
 8 Lungpil mi in thupiak sang thei a,
mihai kamtam in ahileh siatna a thuak hi. k
 9 A citak mi pai hiathiat a, l
thukawi bawl mi ahileh a kiphawkkhia ding hi.
 10 Mi mitsiik-atpa in lungkhamna tuak a, m
mihai kamtam in siatna tuak hi.
 11 Thumaan mite kam nuntakna tuikhuk hi-a,
migilote kam ahileh ngongtatna in a tuam hi. n
 12 Muhdahna in kitotna piangsak a,
itna in ahileh khialhna khempeuh khuhcip hi. o
 13 Thu theikakte muk ah pilna kimu a,
thukhentel lo pa nungzang in ciangduai a thuak hi. p
 14 Mipil in theihna khol a,
mihai kam in ahileh siatna a sam hi. q
 15 Mihaute hauhna in amau kulh nei khuapi hi-a, r
mizawngte siatna ahileh zawnna ahi hi. s
 16 A thumaante thaman nuntakna hi a, t
migilote sumtum ahileh dantuahna ahi hi. u
 17 Sektatna a thusim mi nuntakna lampi tawn hi-a,
kipuahphat ding a awlmawh lo mi in ahileh midangte lam khialsak hi. v
 18 A muhdahna a imte mi zuauphuak hi-a, w
mi gensiat hat peuhmah mihai ahi hi.
 19 Thu tampi genna ah mawhna kihel teitei a,
a kam ip theite a pil ahi hi. x
 20 A thumaan mite leii ngun hoih pen hi-a,
migilote lungsim ahileh man nei lo hi.
 21 A thumaan mi muk in tampi vak a,
mihaite ahi uh leh thukhenna a theih loh manun si uh hi. y
 22 TOPA thupha in hauhna tun a,
lunghimawhna a behlap kei hi. z
 23 Mihai in tatsiat nuamsa a, aa
theihtelna nei mi in ahileh pilna a pakta hi. ab
 24 Migilo in a kihtak pen tuak dinga,
a thumaante a deihdeih uh kipia ding hi.
 25 Huihpi in a nawk ciangin migilote mangthang a,
a thumaante ahileh kiptakin ding den hi. ac
 26 Ha adingin lenggahtui thuk le mit adingin
meikhu bangin a sawlpa adingin thadahte tua bang ahi hi. ad
 27 TOPA kihtakna in nuntakna sotsak a, ae
migilote nuntak kum a khiapsak hi. af
 28 A thumaante mailam hun lungnopna hi-a,
migilote lametna ahileh a guaksuak hi. ag
 29 TOPA lampi in thumaan mi belh hi-a,
a tatsiate adingin ahileh kisiatna ahi hi. ah
 30 A thumaante kibulkalh ngei lo dinga,
migilote in ahileh ten nading mun a ngah zo kei ding uh hi
 31 A thumaan mi kam panin pilna suakkhia a,
kamsia pauna leii a ki-attan ding hi. ai
 32 A thumaan mi muk in a kilawm thei a,
migilo kam in ahileh thukawi bek thei hi. aj
Copyright information for ZomZIV